Xalq deputatlari Pastdarg‘om tumani Kengashi bosh mutaxassisi V. Ro‘ziyev tomonidan Qatorterak mahallasi Ziyolilar ko‘chasi boshida aholi bilan sayyor uchrashuv o‘tkazilib, hududdagi mavjud muammolar joyida o‘rganildi.

Uchrashuvda mahalla raisi, xotin-qizlar faoli, mahalla faollari hamda fuqarolar ishtirok etib, hududni obodonlashtirish, yo‘l infratuzilmasi, kommunal xizmatlar, ichimlik suvi, elektr ta’minoti va aholini qiynayotgan boshqa masalalar yuzasidan fikr va takliflar bildirildi.

Fuqarolarning har bir murojaati diqqat bilan tinglanib, ularni hal etish bo‘yicha mas’ul tashkilotlar bilan hamkorlik qilish, zarur hollarda deputatlik so‘rovlari kiritish va amaliy choralar ko‘rish vazifalari belgilab olindi.

🤝 Aholi bilan ochiq muloqot qilish, muammolarni joyida o‘rganish va ularning yechimiga ko‘maklashish — deputatlik nazoratining muhim yo‘nalishlaridan biridir.