Deputat fuqarolar murojaatlarini joyiga chiqqan holda o‘rgandi

Xalq deputatlari Termiz tuman Kengashining 4-Yangihayot saylov okrugi deputati G. Shafoatova o‘zi saylangan hududda bo‘lib, fuqarolar bilan bevosita uchrashdi hamda ularning murojaat va takliflarini tingladi.

Deputat hududni piyoda aylanib, aholini qiynayotgan dolzarb masalalarni joyida o‘rgandi. Suhbatlar davomida fuqarolar tomonidan yo‘l infratuzilmasi, kommunal xizmatlar, obodonlashtirish va boshqa ijtimoiy masalalar yuzasidan bildirilgan murojaatlar qayd etildi.

Aniqlangan muammolarni tegishli tashkilotlar bilan hamkorlikda hal etish, ularning ijrosini nazoratga olish hamda fuqarolarning qonuniy manfaatlarini ta’minlash yuzasidan zarur choralar ko‘rilishi belgilandi.

Fuqarolar bilan ochiq muloqot qilish va ularning murojaatlarini joyida o‘rganish deputatlik faoliyatining ustuvor yo‘nalishlaridan biridir.