Uchrashuvda Xalq deputatlari Sharof Rashidov tuman Kengashi raisi, tuman Kengashi kotibiyati mudiri, tuman Kengashi deputatlari, tuman gaz ta'minoti, suv ta'minoti, elektr tarmoqlari korxonasi hamda obodonlashtirish boshqarmasi vakillari ishtirok etdi.

Muloqot avvalida Jamila Bobonazarova tomonidan Oliy Majlis Senatining asosiy faoliyati, aholi manfaatlarini ta'minlashga qaratilgan qonunchilik islohotlari, qabul qilinayotgan yangi qonunlar hamda amaldagi qonun hujjatlariga kiritilgan va kiritilishi rejalashtirilayotgan o'zgartirishlarning mazmun-mohiyati yuzasidan batafsil ma'lumot berildi.

Shundan so'ng fuqarolarning murojaat, taklif va muammolari tinglandi. Aholi tomonidan ko'tarilgan masalalar yuzasidan tadbirda ishtirok etgan mutasaddi tashkilotlar vakillari tomonidan tegishli tushuntirish va javoblar berildi. Qo'shimcha o'rganishni talab etadigan murojaatlar deputatlik nazoratiga olinib, ularni ijobiy hal etish bo'yicha aniq chora-tadbirlar belgilandi.

Mazkur uchrashuv aholi bilan ochiq va samimiy muloqotni yo'lga qo'yish, ularni qiynayotgan muammolarni joyida o'rganish hamda ularning yechimini ta'minlash borasidagi amaliy ishlarning uzviy davomi bo'ldi.