Xalq deputatlari Andijon shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining sessiya oldi yig‘ilishi bo‘lib o‘tdi.

Yig‘ilishda Andijon shahar Adliya bo‘limining 2026-yilning birinchi yarim yilligi davomida amalga oshirgan faoliyati to‘g‘risidagi axboroti deputatlar tomonidan atroflicha muhokama qilindi.

Shuningdek, sohaga oid mavjud holat tahlil qilinib, aholiga sifatli huquqiy xizmatlar ko‘rsatish, huquqiy targ‘ibot ishlarini kuchaytirish hamda kelgusida amalga oshirilishi lozim bo‘lgan ustuvor vazifalar yuzasidan taklif va tavsiyalar bildirildi.

Muhokama yakunida mazkur masalani Xalq deputatlari Andijon shahar Kengashining navbatdagi sessiyasi kun tartibiga kiritish bo‘yicha tegishli qaror qabul qilindi.