Xalq deputatlari Guliston shahar Kengashi deputati Nargiza Zafarova tomonidan "Do‘stlik" mahallasi hududida sayyor o‘rganishlar olib borildi.

O‘rganishlar davomida mahallada tabiiy gaz ta'minotini yanada yaxshilash maqsadida iste'molchilarni amaldagi 3 bosqichli gaz taqsimlash tizimidan 2 bosqichli tizimga o‘tkazish bo‘yicha amalga oshirilayotgan ishlarning borishi ko‘zdan kechirildi.

Shuningdek, deputat tomonidan tegishli tashkilot mutaxassislari hamda mahalla aholisi bilan suhbat o‘tkazilib, olib borilayotgan ishlarning sifati, muddatlari va mavjud muammolar yuzasidan fikr almashildi.

O‘rganish yakunida aniqlangan masalalarni o‘z vaqtida bartaraf etish hamda ishlarni belgilangan muddatlarda sifatli yakunlash yuzasidan tegishli tavsiyalar berildi.