Xalq deputatlari Paxtakor tumani Kengashi deputati Z. Shodmonov tomonidan Bog‘ishamol mahallasi Qoramirza qishlog‘ida amalga oshirilayotgan oqar suv tarmog‘i qurilishi ishlari joyiga chiqib o‘rganildi.

O‘rganish davomida loyiha to‘liq va samarali faoliyat yuritishi uchun suv nasoslarini elektr energiyasi bilan ta’minlash maqsadida elektr uzatish ustunlari (simyog‘ochlar) va elektr tarmog‘ini barpo etish zarurligi aniqlandi.

Mazkur masalani qisqa muddatlarda hal etish hamda oqar suv tarmog‘ini o‘z vaqtida ishga tushirishni ta’minlash maqsadida Paxtakor tuman elektr ta’minoti korxonasiga deputatlik so‘rovi kiritildi.

Deputatlik so‘rovida zarur elektr infratuzilmasini yaratish, qurilish ishlarini jadallashtirish hamda amalga oshirilgan ishlar yuzasidan belgilangan tartibda ma'lumot taqdim etish so‘ralgan.