25 yoshgacha bo‘lgan xodimlarni ishga qabul qilgan ish beruvchilar uchun muhim imkoniyat!

🏛 O‘zbekiston Respublikasi Vazirlar Mahkamasining 2021-yil 24-iyuldagi 460-son qarori bilan yoshlar bandligini qo‘llab-quvvatlashga qaratilgan muhim mexanizm joriy etilgan.

📌 Unga ko‘ra, 25 yoshdan oshmagan xodimlar uchun ish beruvchi tomonidan to‘langan ijtimoiy soliq summasi davlat byudjetidan qoplab beriladi.

✅ Mazkur tartib quyidagi imkoniyatlarni yaratadi:
🔹 yoshlarni rasmiy ish bilan ta’minlashni kengaytiradi;
🔹 ish beruvchilarning xarajatlarini kamaytiradi;
🔹 mehnat munosabatlarini qonuniy asosda rasmiylashtirishni rag‘batlantiradi;
🔹 yoshlarning doimiy daromad manbaiga ega bo‘lishiga xizmat qiladi;
🔹 tadbirkorlik subyektlarini qo‘shimcha qo‘llab-quvvatlaydi.

💼 Ushbu imtiyoz orqali ish beruvchilar yosh mutaxassislarni ishga qabul qilish bilan birga, to‘langan ijtimoiy soliq summasini belgilangan tartibda davlat byudjetidan qaytarib olish imkoniyatiga ega bo‘ladi.

🤝 Yoshlar bandligini ta’minlash, ularni mehnat bozoriga faol jalb etish va ish beruvchilarni rag‘batlantirish — iqtisodiy taraqqiyotning muhim omillaridan biridir.