#sessiya_kun_tartibidagi_masala
#kotibiyat_mudiri_faoliyati
#nazorat_tahlil
#deputat_faoliyati

"Yetimqum" mahallasidagi 29-umumta’lim maktabida yaratilayotgan sharoitlar va ta’lim sifati o‘rganildi

Xalq deputatlari Qiziriq tumani Kengashi kotibiyati mudiri K.Muhammadiyev hamda tuman Kengashiga 10-Yetimqum saylov okrugidan saylangan deputat B.Ochildiyev deputatning saylov okrugi hududidagi "Yetimqum" mahallasida joylashgan 29-son umumta’lim maktabida bo‘lib, ta’lim muassasasida olib borilayotgan obodonlashtirish ishlari hamda o‘quvchilar va pedagoglar uchun yaratilayotgan shart-sharoitlar bilan tanishdi.

Tashrif davomida maktab hududida amalga oshirilayotgan obodonlashtirish va ko‘kalamzorlashtirish ishlari, sinf xonalari, sport maydonchalari, ichki va tashqi infratuzilmaning holati ko‘zdan kechirildi. Shuningdek, yangi o‘quv yiliga tayyorgarlik ishlari, ta’lim sifati va o‘quvchilar uchun yaratilayotgan qulay muhit yuzasidan maktab ma’muriyati bilan suhbat o‘tkazildi.

Shuningdek, tuman Kengashining navbatdagi sessiyasi kun tartibiga kiritilgan tuman Maktabgacha va maktab ta’limi bo‘limi mudiri S.Abdurasulovning maktabgacha va maktab ta’limi tizimini rivojlantirish, bitiruvchilari oliy ta’lim muassasalariga eng kam kirgan umumta’lim maktablarida ta’lim sifatini oshirish, o‘quvchi va o‘qituvchilarga yaratilgan sharoitlar, o‘qituvchilarning pedagogik mahorati hamda o‘quvchilarning darslarga qatnashish darajasini oshirish yo‘nalishida amalga oshirilgan ishlar to‘g‘risidagi hisoboti yuzasidan ham joyida o‘rganish olib borildi.

O‘rganish yakunida aniqlangan holatlar yuzasidan tegishli taklif va tavsiyalar berilib, mavjud kamchiliklarni bartaraf etish hamda ta’lim sifatini yanada oshirish bo‘yicha mas’ullarga tegishli tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram