Xalq deputatlari Qo‘qon shahar Kengashining 4-"Oq oltin" saylov okrugi deputati F.Mamajonov tomonidan “Aziz tepa” mahalla fuqarolar yig‘inida belgilangan reja-jadval asosida navbatdagi fuqarolar qabuli o‘tkazildi.

Qabul davomida fuqarolar tomonidan “Aziz tepa” ko‘chasi hududidan o‘tuvchi Avg‘on arig‘ini tozalash masalasi yuzasidan murojaat bildirildi. Ta’kidlanishicha, ariqni o‘z vaqtida tozalash suvning erkin oqimini ta’minlash, hududning sanitariya holatini yaxshilash hamda suv toshishi bilan bog‘liq noqulayliklarning oldini olishda muhim ahamiyat kasb etadi.

Mazkur murojaat deputat tomonidan nazoratga olinib, Avg‘on arig‘ini tozalash ishlarini tashkil etish yuzasidan mas’ul tashkilotlar bilan hamkorlikda tegishli choralar ko‘rish va masalani belgilangan tartibda ijobiy hal etish bo‘yicha kelishib olindi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyati mudiri A.Nosirov hamda bosh mutaxassisi A.Adhamovlar tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi