Tadbirda Xalq deputatlari Termiz shahar Kengashining 10-“Navro‘z” saylov okrugi deputati X. Xolmuminov, Kengashning Agrar, suv xo‘jaligi va ekologiya masalalari bo‘yicha doimiy komissiyasi raisi B. Raxmatullayev hamda Kengash kotibiyati bosh mutaxassisi R. Mamashukurovlar ishtirok etishdi.
Tashrif davomida mahalladagi infratuzilma holati, hududning obodonlashtirilishi, ekologik muhitni yaxshilash va aholi uchun munosib turmush sharoitlarini yaratish bo‘yicha olib borilayotgan ishlar tanqidiy-tahliliy ko‘zdan kechirildi.
Deputatlar va mas’ul mutaxassislar obodonlashtirish jarayonlarining sifatiga alohida e’tibor qaratib, mavjud kamchiliklar yuzasidan o‘zlarining tavsiyalarini berdilar. Shuningdek, mahallada ekologik barqarorlikni ta’minlash, yashil maydonlarni kengaytirish va suv resurslaridan oqilona foydalanish bo‘yicha tegishli ko‘rsatmalar berildi.
O‘rganish natijalari bo‘yicha aniqlangan masalalar yuzasidan tegishli choralarni ko‘rish va belgilangan reja asosida ishlarni jadallashtirish yuzasidan mas’ullarga vazifalar yuklatildi.
Ushbu tadbirlar hududlarda amalga oshirilayotgan islohotlar ijrosini nazorat qilish hamda mahallalar qiyofasini yanada ko‘rkamlashtirishga qaratilgani bilan ahamiyatlidir.