Xalıq deputatları Bozataw rayonlıq Keńesindegi ÓzLiDeP deputatlıq toparınıń gezektegi májilisi bolıp ótti.
Májiliste kún tártibine muwapıq, "Nuranıy" qorı Bozataw rayonlıq bóliminiń 2026-jıldıń 6 ayı dawamında ámelge asırǵan jumısları boyınsha esabatı tıńlandı.
Esabatta ulıwma xalıq arasında kekselerge qaratılǵan sociallıq qollap-quwatlaw ilajları, olardıń turmıs sharayatların jaqsılaw, den-sawlıǵın saqlaw, ruwxıy-mádeniy ilajlarǵa tartıw hám jas áwladtı ulıwmainsanıylıq qádiriyatlar ruwxında tárbiyalaw baǵdarında ámelge asırılǵan jumıslar haqqında maǵlıwmat berildi.
Deputatlar tárepinen esabat boyınsha pikir alısıwlar bolıp, jumıslardıń nátiyjeliligin jáne de arttırıw, kekselerdi sociallıq qollap-quwatlawdı kúsheytiw, mákemeler menen birge islesiwdi jáne de bekkemlew boyınsha usınıslar bildirildi.
Májilis juwmaǵında kún tártibindegi másele boyınsha tiyisli qarar qabıl etilip, belgilengen tapsırmalardıń óz waqtında hám sapalı orınlanıwın támiyinlew boyınsha tiyisli usınıslar berildi.