Xalq deputatlari Bo‘zatov tuman Kengashi huzuridagi doimiy komissiyalar raislari, SH.Berdaxov, J,Jumanazarov va komissiya a’zolari G.Yusupova hamda Ko‘cha oqsoqollari va nuroniylar ishtirokida normativ-huquqiy hujjatlar va xalq deputatlari tuman Kengashi tomonidan qabul qilingan qarorlarning mazmun-mohiyatini keng jamoatchilikka yetkazish bo‘yicha targ‘ibot-tushuntirish tadbiri o‘tkazildi.
Tadbir davomida qabul qilinayotgan normativ-huquqiy hujjatlarning asosiy maqsadi, ularning fuqarolar hayotidagi ahamiyati, shuningdek, Kengash qarorlarining ijrosi va amaliy natijalari yuzasidan batafsil tushuntirishlar berildi. Ishtirokchilar tomonidan hujjatlarning mazmunini aholiga sodda va tushunarli tarzda yetkazish, fuqarolarning huquqiy savodxonligini oshirish hamda qonun hujjatlarining ijrosini ta’minlash borasida fikr-mulohazalar bildirildi.
Shuningdek, tadbir yakunida normativ-huquqiy hujjatlar ijrosini ta’minlashda jamoatchilik nazoratini kuchaytirish, fuqarolar bilan ochiq muloqotni davom ettirish va bu boradagi targ‘ibot ishlarini izchil tashkil etish yuzasidan kelgusidagi vazifalar belgilab olindi.