Xalq deputatlari Paxtakor tumani Kengashining navbatdagi sessiyasida Paxtakor tuman prokurori X.Gaziyev tomonidan jinoyatchilikni jilovlash, huquqbuzarliklarning oldini olish hamda korrupsiyaga qarshi kurashish borasida amalga oshirilayotgan ishlar yuzasidan axborot taqdim etildi.

Axborotda tumanda jinoyatchilikni kamaytirish, profilaktik tadbirlarni kuchaytirish, korrupsion holatlarning oldini olish, qonun ustuvorligini ta'minlash hamda mas'ul tashkilotlar bilan hamkorlikda olib borilayotgan chora-tadbirlar haqida batafsil ma'lumot berildi.

Sessiya davomida deputatlar tomonidan axborot yuzasidan fikr va mulohazalar bildirilib, mazkur yo‘nalishda olib borilayotgan ishlarni yanada takomillashtirish masalalari muhokama qilindi.