Xalıq deputatları Bozataw rayonlıq Keńesi 9-sanlı «Dawıt kól» saylaw okruginen (ÓzLiDeP) saylanǵan deputat G.Bekbosınova, Keńes sekretariatı baslıǵı A.Ibragimov hám “Suw jetkerip beriw xızmeti” mámleketlik mákemesi baslıǵınıń orınbasarı A.Rzambetovlar tárepinen 2026-jıl 5-fevraldaǵı PQ-49-sanlı qararına muwapıq, Bozataw rayonı “Erkindarya” APJ aymaǵındaǵı “Shortanbay” kanalında jaylasqan suw bólistiriwshi qurılmasında bolıp ol jerdegi ámelge asırılıp atırǵan jumıslar menen tanıstı.
Házirgi waqıtta qurılıs jumısları “Gedrotexnika inshoadlarini qurish” JShJnıń tájiriybeli qánigeleri tárepinen belgilengen norma hám talaplarǵa muwapıq alıp barılmaqta.

Bul joybar juwmaqlanǵannan soń, japtıń suw ótkeriw imkaniyatı jaqsılanıp, suw shıǵınları azayadı hám awıl xojalıǵı jerlerin turaqlı suwǵarıw ushın qolaylı sharayat jaratıladı. Bul bolsa aymaq xalqınıń abadanlıǵın arttırıw hám agrar tarawdıń nátiyjeliligin joqarılatıwǵa múnásip úles qosadı.