📍 Deputat nazorati:
Xalq deputatlari tuman Kengashi deputati B.Mirzabekov tomonidan Saroy mahalla fuqarolar yig‘ini hududida barpo etilayotgan umumta’lim maktabi qurilish ishlarining borishi joyiga chiqqan holda o‘rganildi.
O‘rganish davomida qurilish ishlarining belgilangan loyiha asosida va tasdiqlangan grafikka muvofiq olib borilayotgani, bajarilayotgan ishlar sifati, qurilish materiallarining talab darajasida qo‘llanilishiga e’tibor qaratildi.
Mazkur maktab foydalanishga topshirilgach, mahalladagi o‘quvchilar uchun zamonaviy va qulay ta’lim muhiti yaratilib, ta’lim sifati hamda o‘quvchilarning bilim olish imkoniyatlarini yanada kengaytiradi.