🌾 Qonun ijrosi – fermerlar manfaati va qishloq xo‘jaligi rivoji yo‘lida
Xalq deputatlari tuman Kengashi kotibiyati mudiri B.Amanov tomonidan O‘zbekiston Respublikasining «Fermer xo‘jaligi to‘g‘risida»gi Qonuni (yangi tahrir), №662-II ijrosini ta’minlash yuzasidan navbatdagi o‘rganish va muloqot tashkil etildi.
Tadbirda tuman hokimining o‘rinbosari S.Abduvoxidov, fermer xo‘jaliklari rahbarlari, soha mutasaddilari ishtirok etib, qonun talablarining amaldagi ijrosi, fermer xo‘jaliklarining huquq, majburiyatlari yerdan samarali foydalanish, qishloq xo‘jaligi mahsulotlari yetishtirish hajmini oshirish, sohada uchrayotgan muammolar yuzasidan fikr almashildi. Muloqot davomida fermerlarning taklif, murojaatlari tinglanib, qonunchilik doirasida hal etish, davlat tomonidan yaratilayotgan imkoniyatlardan samarali foydalanish hamda agrar sohadagi islohotlarni izchil amalga oshirish bo‘yicha tegishli tavsiyalar berildi.