23-Yakkatut saylov okrugi deputati Sh.Shodmonovga biriktirilgan mas'ul Kotibiyat xodimi L. Murotova okrug hududidagi Bo'rijar mahallasida bo‘lib, yoshlar yetakchisi tomonidan amalga oshirilayotgan ishlar holati, ularning samaradorligi hamda yoshlar bandligini ta’minlash borasida olib borilayotgan faoliyat bilan yaqindan tanishdi.

💬O‘rganish jarayonida mahalladagi yoshlarning ijtimoiy faolligini oshirish, ularni doimiy va mavsumiy ish o‘rinlariga joylashtirish, kasb-hunarga o‘qitish, tadbirkorlik faoliyatiga jalb etish, imtiyozli kredit va subsidiyalar asosida o‘z biznesini yo‘lga qo‘yishlari uchun yaratilayotgan imkoniyatlar yuzasidan amalga oshirilayotgan ishlar muhokama qilindi.

💬Shuningdek, "Yoshlar daftari"ga kiritilgan fuqarolar bilan manzilli ishlash, uyushmagan yoshlarni aniqlash va ularni ta’lim, kasb-hunar hamda mehnat bozoriga jalb etish, iqtidorli yoshlarni qo‘llab-quvvatlash, sport va madaniy-ma’rifiy tadbirlarga keng jalb etish, bo‘sh vaqtlarini mazmunli tashkil etish bo‘yicha amalga oshirilayotgan chora-tadbirlar tahlil qilindi.

Deputat tomonidan yoshlar murojaatlarini o‘z vaqtida ko‘rib chiqish, ularning muammolarini tizimli hal etish, bandlik ko‘rsatkichlarini oshirish, davlat dasturlari va mavjud imkoniyatlar to‘g‘risida yoshlarning xabardorligini kuchaytirish yuzasidan mas’ullarga tegishli tavsiya va takliflar berildi. Shuningdek, mahallada yoshlar bilan ishlash samaradorligini yanada oshirish, ularning tashabbuslarini qo‘llab-quvvatlash hamda bandligini ta’minlash bo‘yicha ishlarni izchil davom ettirish zarurligi alohida ta’kidlandi.