Xalq deputatlari Uzun tumani kengashi raisi Dilorom Safarova tuman hokimi Xabibulla Bozorov bilan birgalikda eng iqtidorli bitiruvchilarga oltin va kumush medallarni topshirdi

Bugun Uzun tumani hokimligining katta majlislar zalida 2025–2026 o‘quv yilini muvaffaqiyatli yakunlagan bitiruvchi yoshlarni taqdirlashga bag‘ishlangan tantanali marosim bo‘lib o‘tdi.

Mazkur tadbirda Xalq deputatlari Uzun tumani kengashi raisi Dilorom Safarova hamda tuman hokimi Xabibulla Bozorov hamkorlikda ishtirok etib, tuman faxriga aylangan yoshlarga yuksak mukofotlarni tantanali ravishda topshirdilar. Rahbarlar birgalikda yoshlarning erishgan yutuqlarini yuqori baholab, ularning ustozlari va ota-onalariga minnatdorchilik bildirishdi.

"Bugun tumanimiz rahbariyati bilan birgalikda sizdek intiluvchan yoshlarni taqdirlayotganimizdan faxrlanamiz. Ushbu oltin va kumush medallar sizlarning mustaqil hayot yo‘lidagi ilk ulkan g‘alabangizdir", — deya ta’kidladi Kengash raisi Dilorom Safarova