Deputat faoliyati va murojaatlar bilan ishlash holati tahlil qilindi.

Xalq deputatlari Uzun tumani Kengashi Kotibiyati xodimlari tomonidan tuman Kengashi deputati M.Ma’murjonova biriktirilgan hududda olib borilayotgan ishlar samaradorligi atroflicha o‘rganildi va tahlil qilindi.

O‘rganishlar davomida deputatning aholi bilan muloqoti, xonadonbay yurish va fuqarolarning dardu tashvishlarini tinglash tizimi, ayniqsa, “Ko‘chama-ko‘cha murojaatlar bilan ishlash daftari”ning yuritilishi holatiga alohida e’tibor qaratildi.

Tahlillar shuni ko‘rsatadiki, deputat M.Ma’murjonova tomonidan hududdagi muammolarni tizimli ravishda qayd etib borish, aholi ko‘targan masalalarni tegishli tashkilotlar oldiga qo‘yish va ularning ijrosini nazorat qilish bo‘yicha muayyan ishlar amalga oshirilmoqda.

Kotibiyat xodimlari o‘rganish yakunida aniqlangan yutuqlar bilan birga, faoliyat samaradorligini yanada oshirish, aholi murojaatlari bilan ishlashda tizimlilikni kuchaytirish yuzasidan deputatga zarur tavsiya va ko‘rsatmalar berishdi.