ITTIFOQ MAHALLASIDAGI MUAMMOLAR JOYIGA CHIQIB O‘RGANILDI

Xalq deputatlari Uzun tuman Kengashi kotibiyati bosh mutaxassisi U.Toshboyev hamda 4-"Mehnat" saylov okrugi deputati M.Mamurjonova bilan birgalikda "Ittifoq" mahallasida mavjud muammolarni joyiga chiqqan holda o‘rgandi.

👥 O‘rganish davomida mahalladagi infratuzilma, obodonlashtirish, kommunal xizmatlar hamda fuqarolarni qiynayotgan dolzarb masalalar ko‘zdan kechirilib, aholi murojaat va takliflari tinglandi.

📝 Aniqlangan muammolarni bartaraf etish yuzasidan tegishli tashkilot va mas'ullar bilan hamkorlikda zarur choralarni ko‘rish hamda ularning ijrosini nazoratga olish bo‘yicha vazifalar belgilandi.

Hududlarda mavjud muammolarni o‘z vaqtida aniqlash va ularga amaliy yechim topish bo‘yicha ishlar izchil davom ettirilmoqda.