“Dolzarb 90 kun”: Deputat maktabgacha ta’lim tashkiloti faoliyatini o‘rgandi
Mamlakatimiz bo‘ylab o‘tkazilayotgan “Dolzarb 90 kun” tadbirlari doirasida joylarda ijtimoiy soha obektlari faoliyatini ko‘zdan kechirish va nazorat-tahlil tadbirlari davom ettirilmoqda.
Xalq deputatlari tuman Kengashi deputati G.Keldibekova o‘zi saylangan saylov okrugi hududida joylashgan maktabgacha ta’lim tashkilotida bo‘lib, muassasadagi mavjud holatni nazorat-tahlil tartibida o‘rgandi.
O‘rganish davomida bog‘chadagi tarbiyalanuvchilar uchun yaratilgan shart-sharoitlar, muassasaning moddiy-texnik bazasi, sanitariya-gigiena talablariga rioya etilishi hamda bolajonlarning sifatli oziq-ovqat bilan ta’minlanish darajasiga alohida e’tibor qaratildi.
Yakunda aniqlangan masalalarni bartaraf etish va ta’lim-tarbiya jarayonini yanada yaxshilash yuzasidan mutasaddilarga tegishli tavsiyalar berildi hamda ijrosi deputat nazoratiga olindi.