Ózbekstan Respublikası Oliy Majlis Nızamshılıq palatası Ekologiya hám qorshaǵan ortalıqtı qorǵaw máseleleri komiteti baslıǵınıń orınbasarı B. Aldamuratov Bozataw rayonında jaylasqan «Tóremurat, Atajan» korporativ dıyqan xojalıǵınıń egislik jerlerine barıp, dalada alıp barılıp atırǵan agrotexnikalıq jumıslar menen jaqınnan tanıstı. Deputat awıl xojalıǵı tarawınıń rawajlanıwı, jerden nátiyjeli paydalanıw hám mol ónim jetistiriw máselelerine ayrıqsha itibar qaratıp, dıyqanlar menen pikir alıstı.

Ushırasıw dawamında egisliklerdiń jaǵdayı, ósimliklerdiń ósiw dárejesi, suǵarıw, zıyankeslerdiń aldın alıw boyınsha ámelge asırılıp atırǵan jumıslar kórip shıǵıldı. Dıyqanlar ózlerin qızıqtırǵan máselelerdi ortaǵa salıp, jumıstı jáne de jetilistiriw boyınsha usınısların bildirdi.