Xalq deputatlari Qo‘qon shahar Kengashi 4-“Oq oltin” saylov okrugi deputati F.Mamajonov tomonidan Qo‘qon shahar 10-sonli oilaviy poliklinikasida O‘zbekiston Respublikasining “Yod yetishmasligi kasalliklari profilaktikasi to‘g‘risida”gi Qonuni ijrosi yuzasidan o‘rganish ishlari olib borildi.

O‘rganish jarayonida Xalq deputatlari Qo‘qon shahar Kengashi kotibiyati mudiri A.Nosirov hamda kotibiyat bosh mutaxassisi A.Adhamov ishtirok etib, amaliy ko‘mak ko‘rsatdi.

O‘rganish davomida poliklinikada yod tanqisligi kasalliklarining oldini olish borasida amalga oshirilayotgan profilaktik tadbirlar, aholi, ayniqsa homilador ayollar va bolalar o‘rtasida olib borilayotgan tibbiy ko‘riklar hamda targ‘ibot ishlari bilan yaqindan tanishildi.

Shuningdek, muassasaning yod preparatlari bilan ta’minlanganligi, tibbiyot xodimlari tomonidan qonun talablarining amaliyotga tatbiq etilishi va aholiga ko‘rsatilayotgan tibbiy xizmatlar holati yuzasidan mas’ullar bilan fikr almashildi.

O‘rganish yakunida qonun ijrosini yanada samarali tashkil etish, profilaktik tadbirlar qamrovini kengaytirish hamda aholining sog‘lig‘ini mustahkamlashga qaratilgan ishlarni izchil davom ettirish bo‘yicha tegishli tavsiyalar berildi.

Xalq deputatlari Qo‘qon shahar Kengashi