“Mahalla yettiligi” faoliyati o‘rganildi

✅ Bugun xalq deputatlari tuman Kengashi raisi B.K.Xaitov, kotibiyat xodimlari, tuman Kengashi deputatlari Chorchinor mahallasidan saylangan deputat K.Haydarovlar birgalikda Bog‘ibolo mahallasida “mahalla yettiligi” faoliyati o‘rganildi. O‘rganishlar davomida mahallada aholi muammolarini bartaraf etish, ijtimoiy himoyaga muhtoj oilalarni qo‘llab-quvvatlash, yoshlar bandligini ta’minlash, xotin-qizlar bilan ishlash hamda huquqbuzarliklarning oldini olish borasida amalga oshirilayotgan ishlar tahlil qilindi. Shu bilan bir qatorda mahalla deputatining muammolar bilan ishlash holati ham tahlil qilindi.

✅ Shuningdek, mahalla fuqarolar yig‘ini raisi, hokim yordamchisi, yoshlar yetakchisi, xotin-qizlar faoli, profilaktika inspektori va ijtimoiy xodim tomonidan olib borilayotgan ishlar yuzasidan fikr-mulohazalar bildirildi. Aniqlangan ayrim kamchiliklarni bartaraf etish hamda aholi murojaatlari bilan ishlash samaradorligini yanada oshirish bo‘yicha tegishli tavsiyalar berildi.

✅ O‘rganishlar yakunida mahalladagi ijtimoiy muhitni yanada yaxshilash, fuqarolar muammolarini tizimli hal etish va “mahalla yettiligi” faoliyati samaradorligini oshirish yuzasidan amaliy chora-tadbirlar belgilab olindi.