Mahalladagi xotin-qizlar faollari tomonidan amalga oshirilayotgan ishlar samaradorligi o‘rganildi

📁 Xalq deputatlari Uchtepa tumani Kengashi deputatlarining 24 talik tavsiyalari asosida biriktirilgan vazifalar ijrosi doirasida mahalladagi xotin-qizlar faollari tomonidan amalga oshirilayotgan ishlar samaradorligini o‘rganish ishlari davom etmoqda.

🇺🇿 Navbatdagi o‘rganish jarayonida xalq deputatlari Uchtepa tumani Kengashining 7-Beshqayrag‘och saylov okrugi deputati Xaydarova Ziyoda Tolipovna okrugidagi Xurshid mahallasida "Ayollar daftari"ga kiritilgan xotin-qizlar bilan olib borilayotgan ishlar yuzasidan mahalla xotin-qizlar faoli Ismailova Dilbar Batirovna tomonidan batafsil ma’lumot berildi. Jumladan, ehtiyojmand xotin-qizlarning muammolarini hal etish, ularning bandligini ta’minlash, kasb-hunarga yo‘naltirish hamda ijtimoiy qo‘llab-quvvatlash borasida amalga oshirilayotgan ishlar muhokama qilindi.

🗂 Shuningdek, Vazirlar Mahkamasining 239-son qarori asosida "Ayollar daftari" tizimi orqali ehtiyojmand xotin-qizlarni qo‘llab-quvvatlash, ularga zarur amaliy yordam ko‘rsatish hamda ijtimoiy himoyani kuchaytirish yo‘nalishidagi ishlarning holati ko‘rib chiqildi.

💼 O‘rganishda Xalq deputatlari Uchtepa tumani Kengashi kotibiyati mudiri Anvar Usmanov hamda kotibiyat bosh mutaxassisi Zarnigor Kuziyeva ishtirok etdi.

💬 O‘rganish yakunida xotin-qizlar bilan ishlash samaradorligini yanada oshirish, "Ayollar daftari"ga kiritilgan fuqarolarning muammolarini o‘z vaqtida bartaraf etish va ularning ijtimoiy faolligini qo‘llab-quvvatlash yuzasidan tegishli tavsiya va takliflar bildirildi.