Xalq deputatlari Qo‘shko‘pir tuman Kengashi deputati X. Ibragimov "Iqbol" mahallasida yo‘l infratuzilmasini yaxshilash borasida amalga oshirilayotgan ishlar bilan tanishdi.
O‘rganish davomida mahalla tuman markazida joylashgan bo‘lishiga qaramay, ichki yo‘llarning ayrim qismi ta’mirtalab holatda bo‘lgani sababli mazkur hudud yo‘l-ta’mirlash dasturiga kiritilgani qayd etildi.
Bugungi kunga qadar mahalladagi 2 ta ko‘chada asfalt qoplamasi yotqizish ishlari to‘liq yakunlangan bo‘lib, yana 3 ta ko‘chada qurilish-ta’mirlash ishlari boshlangan. Amalga oshirilayotgan mazkur ishlar aholining transport qatnovi uchun qulay sharoit yaratish, yo‘l infratuzilmasini zamonaviy talablar asosida rivojlantirish hamda hudud obodonligini yanada oshirishga xizmat qilmoqda.
Deputat o‘rganish yakunida yo‘l qurilishi va ta’mirlash ishlarining sifati hamda belgilangan muddatlarda yakunlanishini ta’minlash yuzasidan mas’ullarga tegishli tavsiyalar bildirib, hududlarda infratuzilmani izchil rivojlantirish aholining turmush farovonligini yuksaltirishdagi muhim omillardan biri ekanini ta’kidladi.