Aholi muammolarini o‘rganish va ularni hal etish yuzasidan amaliy ishlar olib borilmoqda.

O‘rganish jarayonida aholi vakillari tomonidan Andijon shahar “Xursandlik” MFY Turkiston ko‘chasining 1 km qismida yo‘lni yamoqli ta’mirlash zarurligi bildirildi.

Mazkur murojaatni ijobiy hal etish maqsadida Andijon shahar hokimligi Obodonlashtirish boshqarmasiga deputat so‘rovi yuborildi.

Deputat so‘rovida aholi tomonidan ko‘tarilgan masalani joyiga chiqib o‘rganish, zarur amaliy ishlarni tashkil etish hamda ko‘rilgan choralar natijasi yuzasidan belgilangan 10 kun muddatda yozma ravishda axborot taqdim etish so‘raldi.

Aholi murojaatlari doimiy e’tiborda bo‘lib, hududlardagi mavjud muammolarni bartaraf etish bo‘yicha ishlar davom ettirilmoqda.