Xalq deputatlari shahar kengashi deputatlari Ekologik partiyasi a’zosi M.Xoliqova, N.Uralova, kotibiyat bosh mutaxassisi U.Abdunazarov bilan birgalikda shahar Tibbiyot birlashmasida O‘zbekiston Respublikasining 2019-yil 11-martdagi “Fuqarolarning reproduktiv salomatligini saqlash to‘g‘risida”gi O‘RQ-528-ijrosi o‘rganildi. O‘rganish shahar Tibbiyot birlashmasiga qarashli Ayollar maslahatxonasi bo‘limida bosh shifokor muovini N.Atadjanova bilan birgalikda amalga oshirildi. O‘rganish jarayonida fuqarolarda sog‘lom farzandlar tug‘ilishiga nisbatan ongli va mas’uliyatli munosabatni tarbiyalash, erkaklar va ayollarning o‘z reproduktiv huquqlarini amalga oshirishida ularning imkoniyatlari tengligini ta’minlaydigan sharoitlarni yaratishdan iborat ekanligi ta’kidlandi. Shuningdek, reproduktiv salomatlikni saqlash sohasida fuqarolarning tibbiy bilimlarini va tibbiy madaniyatini yuksaltirish masalasi ham dolzarb ekanligi qayd etildi. Bundan tashqari shifokorlar yetishmasligi, ishlayotgan vrachlarni ham yoshi ulug‘ligi, yosh vrachlarga ehtiyoj yuqoriligi ishlarni to‘lqonli olib borilishida salbiy ta’sirlar ko‘rsatmoqda. Har haftada 24 nafar ayollardan olingan analizlar Chirchiq shahriga labaratoriya tekshiruviga yuborish jarayonida maxsus transport ajratilishida ham muammolar mavjud. Internet aloqasi yaxshi emasligi bois aholiga xizmat ko‘rsatilishida muammolarga duch kelinmoqda. Shuningdek, bino ichidagi elektr kabellari mavjud quvvati
pastligi tibbiy uskuna va apparatlarni uzluksiz ishlashida uzulishlarga sabab bo‘lmoqda. Ushbu holat yuzasidan doimiy komissiyada atroflicha muhokama etish va tegishli choralar ko‘rilishi belgilandi.