Xalq deputatlari Samarqand viloyati shahar va tuman Kengashlari kotibiyatlari mudirlari hamda mutaxassislari ishtirokida tanqidiy-tahliliy yig‘ilish o‘tkazildi.

Xalq deputatlari Samarqand viloyat Kengashi tashabbusi bilan shahar va tuman Kengashlari kotibiyatlari mudirlari hamda mutaxassislari ishtirokida haftalik yakunlariga bag'ishlangan taxliliy yig‘ilish Zoom platformasi orqali o‘tkazildi.

Yig‘ilishni Xalq deputatlari viloyat Kengashi kotibiyati mudiri S.Usmonov olib bordi.

Sessiyalar jarayoni, qabul qilinayotgan qarorlarning qonuniyligi, deputatlarning faolligi hamda kotibiyatlarning ijro intizomi atroflicha ko‘rib chiqildi. Shu bilan birga, ayrim hududlarda faoliyat natijalarini aholiga yetkazishda sustkashliklar kuzatilgani qayd etildi. Xususan, ish reja ijrolarini yoritishdagi kamchiliklar ko'rsatib o'tildi.

Hududlarga qo'shimcha faoliyatini jonlantirish bo'yicha topshiriqlar berildi. Amalga oshirgan ishlar to'g'risida kunlik ma'lumot taqdim etib borish belgilandi.