Xalq deputatlari Gʻallaorol tuman Kengashi deputati S. Ishimova “Lalmikor” mahallasida bo‘lib, hududda huquqbuzarlik va jinoyatchilikning oldini olish borasida amalga oshirilayotgan ishlar bilan tanishdi. Tashrif davomida mahalladagi profilaktika ishlari, aholi o‘rtasida huquqiy ong va huquqiy madaniyatni yuksaltirish, yoshlar bilan manzilli ishlash hamda huquqbuzarlikka moyil shaxslar bilan olib borilayotgan chora-tadbirlar muhokama qilindi. Shuningdek, mahalla faollari, profilaktika inspektori va mutasaddi tashkilotlar vakillari bilan suhbatlashib, hududda tinchlik va osoyishtalikni ta’minlash, jinoyatchilikning sabab va omillarini bartaraf etish bo‘yicha amalga oshirilayotgan ishlar yuzasidan ma’lumotlar olindi.