Ish rejaga muvofiq, Andijon shahar “Qayrag‘ochtagi” MFYdagi 39-sonli maktabda rekonstruksiya qilish ishlarini o‘rganish belgilangan edi.

Belgilangan rejaga muvofiq, Xalq deputatlari Andijon shahar Kengashi deputati D.Qurbonova hamda Kengash kotibiyati bosh mutaxassisi O.Olimjonovlar ishtirokida o‘rganish ishlari olib borildi.

O‘rganishda, ushbu maktabda 2026-yil 16-mart kuni qurilishga ruxsat berilganligi, buyurtmachi etib “Yagona buyurtmachi xizmati injiniring kompaniyasi” davlat muassasasi belgilanganligi, “Andijon-SL” tashkiloti tomonidan loyiha ishlab chiqilib, ushbu loyiha asosida “Ilg‘or Santex Qurilish” MChJ tomonidan qurilish ishlari olib borilayotganligi ma’lum bo‘ldi.

Rekonstruksiya qilish ishlarini belgilangan loyiha asosida amalga oshirish hamda belgilangan muddatda foydalanishga topshirish yuzasidan zaruriy tavsiyalar berildi.