Xalq deputatlari Bekobod tumani Kengashiga O‘zbekiston Milliy tiklanish demokratik partiyasidan saylangan deputat D. Saidova, kotibiyat mudiri Q. Bobojonov hamda Toshkent viloyati hokimligi va tuman hokimligi mas’ullari bilan birgalikda Saryuz mahallasining Hurriyat ko‘chasida istiqomat qiluvchi fuqarolar Shahlo Karimova va Odil Boltaboyevning farzandi uchun kontrakt to‘lovini davlat tomonidan qoplab berish masalasidagi murojaatini o‘rgandilar.
Murojaat yuzasidan fuqarolar bilan batafsil suhbat o‘tkazilib, mavjud holat va amaldagi tartiblar atroflicha muhokama qilindi. Masalani qonunchilik doirasida hal etish hamda tegishli tashkilotlar bilan hamkorlikda amaliy yechim topish bo‘yicha zarur choralar belgilandi.
🤝 Fuqarolarning muammolarini tinglash, o‘rganish va ularni ijobiy hal etishga ko‘maklashish deputatlik faoliyatining ustuvor vazifalaridan biridir.