Ijtimoiy infratuzilma loyihalari deputat nazoratida

⚡️Xalq deputatlari Samarqand viloyati Kengashi deputati Anvar Norboyev Kattaqo‘rg‘on tumani Olmazor mahallasida amalga oshirilayotgan ijtimoiy infratuzilma loyihalari bilan tanishdi.

🔘Mazkur hududda O‘zbekiston Respublikasi Iqtisodiyot va moliya vazirligi hamda Islom taraqqiyot banki hamkorligida “Qishloq joylarni kompleks rivojlantirish” loyihasi doirasida keng ko‘lamli qurilish va obodonlashtirish ishlari olib borilmoqda.

➡️Jumladan, mahalladagi 106-sonli, 120 o‘rinli umumta’lim maktabi rekonstruksiya qilinib, qo‘shimcha 120 o‘rinli yangi bino qurilmoqda. Aholini toza ichimlik suvi bilan ta’minlash maqsadida yangi suv tarmoqlari tortilmoqda, ichki ko‘chalar ta’mirlanib, hudud infratuzilmasi yaxshilanmoqda. Elektr ta’minotini barqarorlashtirish uchun esa yangi transformatorlar o‘rnatish ishlari ham rejalashtirilgan.

➡️Deputat obyektlarda bo‘lib, ta’mirlash jarayonida foydalanilayotgan qurilish materiallarini ham ko‘zdan kechirdi.
O‘rganish jarayonida qurilish ishlari belgilangan reja asosida, sifatli tarzda amalga oshirilayotgani, ushbu loyihalar hudud aholisi uchun qulay yashash sharoitlarini yaratishga xizmat qilishi ta’kidlandi.