Xalq deputatlari Shovot tumani Kengashi deputati Yo‘ldoshova Oyimjon Qurvonnozarovna tomonidan saylov okrugida yoshlarning yozgi ta’til davrida vaqtlarini mazmunli o‘tkazishlari uchun yaratilgan sharoitlar o‘rganildi.

O‘rganish jarayonida Royat mahallasi hududida joylashgan umumiy o‘rta ta’lim maktabida “Dolzarb 90 kun” dasturi doirasida tashkil etilgan kutubxonaning shart-sharoitlari, mavjud adabiyotlar fondi hamda yoshlar uchun yaratilgan imkoniyatlar ko‘zdan kechirildi.

Shuningdek, bugungi kunda O‘zbekiston Respublikasi Prezidentining yoshlarni har tomonlama qo‘llab-quvvatlash, ularning bo‘sh vaqtini mazmunli tashkil etish, kasb-hunarga o‘qitish, bandligini ta’minlash, ma’naviy-ma’rifiy saviyasini yuksaltirish hamda sog‘lom turmush tarzini keng targ‘ib qilishga qaratilgan farmon va qarorlari ijrosi yuzasidan amalga oshirilayotgan ishlar ham o‘rganildi.