✅ Xalq deputatlari Uchko‘prik tumani Kengashiga 16-Olmurod saylov okrugidan deputat Umarbek Karimov va mahalliy kengash deputati,
O‘zbekiston Ekologik partiyasi tuman kengashi raisi Bobirjon Begaliyev “Katta Qorako‘l” mahalla fuqarolar yig‘ini mas’ul xodimlari faoliyatini oʻrgandilar. Va ijtimoiy hodim tomonidan amalga oshirilgan ishlar sarhisob qilindi. 

✅ Ijtimoiy xodim tomonidan aholining ehtiyojmand qatlamiga ko‘rsatilayotgan yordamlar, ularning huquqlarini himoya qilish va ijtimoiy xizmatlar ko‘rsatish bo‘yicha ishlari sarhisob qilindi. Xususan, "Inson" ijtimoiy xizmatlar markazi va mahalla ijtimoiy xodimining kam ta’minlangan oilalar, keksalar va nogironligi bo‘lgan shaxslarga ko‘maklashish ishlari o‘rganildi. Ijtimoiy xodim faoliyat samaradorligi tahlil qilindi. O'rganish davomida xodimning amalga oshirgan ishlari, aholiga ko‘rsatilgan ijtimoiy yordamlar va mavjud muammolarning yechimi atroflicha ko‘rib chiqildi. Quyidagi
muhim jihatlarga e’tibor qaratildi: 

📌 Ko‘rsatilgan xizmatlar: Ijtimoiy himoyaga muhtoj shaxslarga ko‘rsatilgan moddiy, huquqiy va psixologik yordamlar. 

📌 Keys menejmenti: Har bir oila yoki fuqaro uchun tuzilgan alohida (individual) ijtimoiy rejalarning bajarilish holati. 

📌 Muammoli masalalar: Oilalardagi qiyinchiliklarni aniqlash va ularni hal etish choralari. 

📌 Hujjatlar yuritilishi: Ijtimoiy xodim tomonidan to‘ldirilgan hisobotlar, dalolatnomalar
va ijtimoiy pasportlarning to‘g‘riligi. 

🔹 O‘rganish natijalariga ko‘ra, ish jarayonida aniqlangan kamchiliklarni bartaraf etish va kelgusida ijtimoiy xizmatlar sifatini yanada oshirish bo‘yicha aniq vazifalar belgilab olindi. 

  🇺🇿 Xalq deputatlari Uchko‘prik tumani Kengashi