Xalq deputatlari Pastdarg‘om tuman Kengashining kotibiyat mudiri F.Xolmuratova hamda Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan tuman tibbiyot birlashmasida o‘rganish ishlari olib borildi.

O‘rganish davomida aniqlangan kamchiliklar quyidagilardan iborat:
🔹 Kasalxonaning barcha bo‘limlaridan yig‘ilgan kir to‘shak jildlari issiq suv ta’minoti mavjud emasligi sababli sovuq suvda yuvilayotgani, dazmollanmasligi;
🔹 Bolalar bo‘limi derazalari yaqinida o‘sib turgan terak daraxtlaridan uchayotgan gullar bemorlar yotgan xonalarga kirib, bolalarda allergik holatlarni keltirib chiqarayotganligi;
🔹 Tibbiy chiqindilarni tashlash uchun ajratilgan hududda chiqindilar to‘planib qolganligi va sanitariya talablariga to‘liq rioya etilmayotgani.
⚠️ Aniqlangan kamchiliklarni bartaraf etish yuzasidan mas’ullarga tegishli tavsiyalar berildi.