Xalıq deputatları Qaraózek rayonlıq Keńesi 14 – Berdaq  saylaw okruginen deputat S.Sayımova ("Adolat" SDP) Mádeniyat awıl puqaralar jıyını "máhálle jetiligi" menen birge aymaqtı social-ekonomikalıq rawajlandırıw baǵdarında ámelge asırılıp atırılǵan jumıslar menen tanıstı hám bul baǵdarda jumıslardı elede janlandırıw boyınsha birge isleniwi tiyis áhmiyetli wazıypalardı belgilep aldı. Deputat S.Sayımova máhálle wákilleri menen birgelikte aymaqtan kelip túsip atırǵan múrájatlar menen tanısıp, bul baǵdarda saylawshılardı jeke qabıl etiw arqalı múrájatları qadaǵalawǵa alındı.
ASHÍQ BYUDJET PUQARALAR USHÍN IMKANIYAT 

⚡️Qaraózek rayonında “Ashıq byudjet” joybarında 2026-jıldıń birinshi máwsiminde Mádeniyat awıl puqaralar jıyını aymaǵı Qara moyın awılınan Joldas awılına shekemgi 12 -13,7 km aralıǵına qara asfalt qaplamasın jatqızıw joybarı awıl xalqınıń dawıs beriw jolı menen jeńimpaz dep tabılıp, qarjılandırılǵan edi.
Xalıq deputatları Qaraózek rayonlıq Keńesi 14-Berdaq saylaw okrugi deputatı S.Sayımova (Adolat SDP) búgingi kúnde joldıń usı aralıǵında qurılıs ońlaw jumısları alıp barıp atırǵan «DANIYAR AVTO SERVIS» JShJ wákilleri menen ushırasıp, jolda ońlaw jumısların barıp kórdi.