Xalq deputatlari Buxoro viloyati Kengashiga 26-Jondor saylov okrugidan saylangan deputat L.Ergasheva, Xalq deputatlari Jondor tumani Kengashiga 2-Aleli saylov okrugidan saylangan deputat Z.Shomurodova hamda tuman Kengashi kotibiyati bosh mutaxassislari J. Norov va R.Murodovlar hamkorligida “Aleli” mahallasidagi parklar, hiyobonlar va bogʻlarning holatini o‘rgandilar.
📌O‘rganish davomida yashil hududlarning umumiy holati va saqlanish darajasi, daraxt va manzarali ko‘chatlarning parvarishi, sug‘orish tizimi hamda qurib qolgan ko‘chatlarni yangilash zarurati, piyodalar yo‘laklari, o‘rindiqlar, yoritish moslamalari va boshqa obodonlashtirish elementlarining texnik holati, bolalar maydonchalari va dam olish zonalarining xavfsizlik talablari hamda sanitariya holati, aholi murojaatlarida ko‘tarilgan muammolar va ularni bartaraf etish bo‘yicha takliflar ko‘rib chiqildi.
📌O‘rganish yakunida tegishli tashkilotlar bilan birgalikda aniq chora-tadbirlarni belgilash, yashil hududlarni saqlash va obodonlashtirish ishlari yuzasidan takliflarni shakllantirish rejalashtirildi. Deputatlar va mutaxassislar park, hiyobon hamda bogʻlarning aholining dam olishi uchun qulay va xavfsiz maskan bo‘lib xizmat qilishi mahalla infratuzilmasining muhim qismi ekanini ta’kidladilar.
📌Shuningdek, hududlarda jamoatchilik ishtirokida ko‘chat ekish, mavjud yashil fondni asrash va muntazam parvarish ishlarini tizimli tashkil etish bo‘yicha tavsiyalar berildi.