Xalq deputatlari viloyat Kengashi deputati G.Bobojonova hamda tuman Kengashi deputati J.Ismonovalar Namuna mahallasiga tashrif buyurdilar. Tashrif davomida mahallada yaqinda qurib bitkazilgan piyodalar yo‘lakchasi ko‘zdan kechirildi. Deputatlar yo‘lakchaning qurilish sifati, uning aholi uchun yaratgan qulayliklari va xavfsizlik talablariga mosligi bilan tanishdilar. Shuningdek, mazkur hududda yashovchi fuqarolar bilan ochiq muloqot o‘tkazilib, ularning fikr-mulohazalari va takliflari tinglandi. Aholi vakillari yangi piyodalar yo‘lakchasi mahalla ahli, ayniqsa, yoshlar, keksalar hamda maktab o‘quvchilari uchun katta qulaylik yaratganini ta’kidladilar. Ilgari yomg‘irli kunlarda yuzaga kelgan qiyinchiliklar bartaraf etilgani, hududning obod va ko‘rkam tus olgani fuqarolar tomonidan mamnuniyat bilan qayd etildi.