Aholining tomorqa yer maydonlaridan samarali foydalanishi va qishloq xo‘jaligi mahsulotlari yetishtirish hajmini oshirishda sug‘orish tizimining barqaror ishlashi muhim ahamiyat kasb etadi. Shu maqsadda xalq deputatlari tuman Kengashi deputati B.Avliyoqulov Mingbuloq mahallasi hududidagi aholi tomorqalarini suv bilan ta’minlashga xizmat qiluvchi suv yo‘llari va ariqlar holatini o‘rgandi. O‘rganish jarayonida mahalla fuqarolari bilan muloqot qilinib, ularning sug‘orish ishlarini tashkil etish bo‘yicha fikr-mulohazalari va mavjud muammolari tinglandi. Deputat tomonidan suv yo‘llarini tozalash, qayta tiklash hamda suvdan oqilona foydalanish bo‘yicha mas’ul tashkilotlar va mutasaddilarga tegishli tavsiyalar berildi. Shuningdek, aholini qiynayotgan muammolarni bartaraf etish yuzasidan amaliy chora-tadbirlar rejasini ishlab chiqish zarurligi ta’kidlandi.