Xalq deputatlari Shovot tumani Kengashi deputati D.Xasanova hamda Kengash kotibiyati xodimi U.Ruzmetov tomonidan Yangiobod mahallasida istiqomat qiluvchi bir guruh fuqarolarning murojaati joyiga chiqqan holda o‘rganildi.

🔍 Murojaat davomida fuqarolar Shovot dehqon bozori MCHJ tomonidan haftaning har yakshanba kuni Az-Zamaxshariy ko‘chasida faoliyat olib borayotgan tadbirkorlar tomonidan hosil qilinayotgan chiqindilar o‘z vaqtida bartaraf etilmayotgani, buning natijasida ko‘cha hududi ifloslanib, sanitariya holatining yomonlashayotganini ma’lum qildilar.

♻️ Shuningdek, chiqindi uyumlari aholi salomatligiga salbiy ta’sir ko‘rsatayotgani hamda atrof-muhitning ifloslanishiga sabab bo‘layotgani yuzasidan fikr-mulohazalar bildirildi.

📍 O‘rganish jarayonida murojaatda ko‘rsatilgan holatlar joyida ko‘zdan kechirilib, mavjud muammoni bartaraf etish yuzasidan tegishli tashkilotlar bilan hamkorlikda amaliy choralar ko‘rish zarurligi qayd etildi.

✅ Fuqarolar murojaatlarini o‘z vaqtida ko‘rib chiqish va hududlarda mavjud muammolarni bartaraf etish bo‘yicha ishlar davom ettirilmoqda.