Халқ депутатлари Пахтаобод тумани Кенгаши котибияти мудири А.Мадумаров томонидан «Терактаги» маҳалла фуқаролар йиғинида махсус дастур доирасида амалга оширилаётган кенг кўламли бунёдкорлик ва инфратузилма лойиҳаларининг бориши жойига чиққан ҳолда қатъий назоратдан ўтказилди.

Ўрганишлар давомида ҳудуддаги ички ариқларни замонавий бетон лотокларга алмаштириш ишлари жадал суръатларда олиб борилаётгани кўздан кечирилди. Ушбу жараён якунланиши билан маҳалла йўлларини тўлиқ асфальтлаш ишлари бошланиши белгиланган бўлиб, Котибият мудири томонидан ҳар бир босқични сифатли ва муддатида бажариш юзасидан мутасаддиларга топшириқлар берилди.