Tuman markazida olib borilayotgan o‘rganishlar doirasida xalq deputatlari Muzrabot tumani Kengashi deputatlari T.Tangirov, L.Musayev, M.Kenjayeva, O.Ollomurodov, D.Sherboyev hamda tuman Kengashi kotibiyati bosh mutaxassisi B.Xoliqovlar “Shaffof” mahallasidagi ko‘p qavatli uylar joylashgan hududda bo‘ldilar.

Tashrif davomida deputatlar aholi bilan muloqot o‘tkazib, ularning fikr-mulohazalari, taklif va murojaatlarini tingladilar. Suhbatlar jarayonida fuqarolarni qiynayotgan ayrim masalalar muhokama qilinib, ularni hal etish yuzasidan tegishli choralar ko‘rish bo‘yicha takliflar bildirildi.

Shuningdek, deputatlar ko‘p qavatli uylar atrofida amalga oshirilayotgan obodonlashtirish va bunyodkorlik ishlari bilan yaqindan tanishdilar. Hududda yashovchilar uchun yanada qulay shart-sharoitlar yaratish, infratuzilmani yaxshilash hamda yashash muhitini zamonaviy talablar asosida shakllantirish bo‘yicha olib borilayotgan ishlar ijobiy baholandi.

Bunday uchrashuv va o‘rganishlar aholi bilan ochiq muloqotni ta’minlash, mavjud muammolarni joyida hal etish hamda fuqarolarning turmush sifati va farovonligini oshirishga xizmat qiladi