#tavsiyalar_asosida

Xalq deputatlari Kogon shahar Kengashi raisi A. Yangiyev, kotibiyat mudiri Sh. Isamutdinov hamda mutaxassislar I. Ikromov va Z. Temirovalar Ziyokor MFYda istiqomat qiluvchi Sayfullo bobo tomonidan barpo etilgan namunali bog‘da bo‘lib, amalga oshirilgan obodonlashtirish ishlari bilan yaqindan tanishdi.

Dastlab tashlandiq va qarovsiz holatda bo‘lgan ushbu hudud bugungi kunda tinimsiz mehnat, sabr va yuksak mas’uliyat natijasida yashil va obod maskanga aylangan. Bu yerda 10 dan ortiq meva turlari, 300 dan ziyod daraxtlar parvarishlanib, nafaqat mahalla, balki butun hudud uchun ibratli bog‘ yaratilgan. Har bir nihol, har bir daraxt ortida inson mehnati, yerga bo‘lgan mehr va kelajakka ishonch mujassam.

Tashrif davomida mas’ullar Sayfullo boboning bunyodkorlik ishlarini yuksak baholab, bunday tashabbuslar jamiyatda mehnat madaniyatini shakllantirish, yoshlar ongida tabiatga mehr va mas’uliyat tuyg‘usini kuchaytirishda muhim o‘rin tutishini ta’kidladi. Bunday namunalar har bir mahalla uchun haqiqiy ilhom manbai bo‘lib, inson mehnati bilan har qanday tashlandiq joyni jannatmakon maskanga aylantirish mumkinligini yaqqol namoyon etadi.

“Yaxshidan bog‘ qoladi” — bu nafaqat hikmat, balki mehnat bilan yashnagan hayot, kelajak avlodga qoldiriladigan eng go‘zal merosdir.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash