MAHALLADA SUV MUAMMOSI BARTARAF ETILDI

Angren daryosi Yonariq MFYga kiruvchi ariq boshi, ya’ni suv kirish qismida joylashgan o‘zan Angren daryosidan suv miqdorining ortishi oqibatida yuvilib ketgan edi. Bu holat mahallaga suv kirishining to‘xtab qolishiga sabab bo‘lib, aholi uchun muayyan qiyinchiliklarni yuzaga keltirgan.

Ushbu muammo yuzasidan mahalla raisi tomonidan tegishli tashkilotlar va mas’ullarga texnika ajratish bo‘yicha murojaat qilindi.

Mazkur murojaat ijrosini ta’minlash maqsadida Xalq deputatlari Ohangaron tuman Kengashi deputati, O‘zMTDP a’zosi Kuchimova Shahlo Xatamovna tomonidan amaliy chora-tadbirlar ko‘rildi. Xususan, zarur texnikalar jalb qilinib, ariq qayta kavlandi va suv yo‘li tiklandi.

Amalga oshirilgan ishlar natijasida mahallaga suv chiqarilib, aholining suv ta’minoti bilan bog‘liq muammosi bartaraf etildi.