Xalq deputatlari Shovot tumani Kengashi kotibiyat mudiri Masharipov Izzat Masharipovich hamda Mahallalarning moliyaviy ta’minotini ta’minlash va fuqarolar tashabbusli budjeti jarayonlarini muvofiqlashtirish sho‘basi bosh mutaxassisi Qurbonov Mashxurbek Normuxammadovich tomonidan Shovot tumanining Do‘stlik mahallasida yashovchi fuqarolarning ichki ko‘chalarni asfaltlashtirish masalasidagi murojaati joyiga chiqqan holda o‘rganildi.

O‘rganish jarayonida mahalla aholisining mazkur masaladagi taklif va mulohazalari tinglanib, mavjud holat atroflicha tahlil qilindi. Fuqarolarga ichki ko‘chalarni asfaltlashtirish bo‘yicha yuqori turuvchi tashkilotlarga tegishli takliflar kiritilishi bilan bir qatorda, ushbu tashabbusni “Tashabbusli budjet” (Open Budget) loyihalari doirasida ham ilgari surish mumkinligi tushuntirildi.

Shuningdek, fuqarolarga tashabbusli budjet jarayonlarida faol ishtirok etish, loyiha taklifini platformaga kiritish hamda keng jamoatchilik ovozini to‘plash orqali mahalla infratuzilmasini yaxshilash imkoniyatlari haqida batafsil ma’lumot berildi.

Ta’kidlanganidek, aholi manfaatlariga xizmat qiluvchi bunday tashabbuslarni qo‘llab-quvvatlash, hududlar infratuzilmasini rivojlantirish va fuqarolarning davlat boshqaruvidagi ishtirokini kengaytirish bugungi islohotlarning muhim yo‘nalishlaridan biri hisoblanadi.