Unda shahar Kengashi kotibiyati mudiri A.Ermatov va deputatlik guruhi a’zolari ishtirok etdi.

Yig‘ilish davomida deputatlik guruhining hisobot davridagi faoliyati atroflicha tahlil qilinib, saylovchilar manfaatlarini himoya qilish, hududlarda mavjud muammolarni o‘rganish va ularning yechimi yuzasidan amalga oshirilgan ishlar sarhisob qilindi.

Ta’kidlanganidek, deputatlar tomonidan fuqarolar bilan uchrashuvlar o‘tkazilib, aholini qiynayotgan masalalar o‘rganildi hamda tegishli tashkilotlar bilan hamkorlikda ularni hal etish bo‘yicha amaliy choralar ko‘rildi.

Muhokamalar jarayonida mahalliy Kengashning nazorat funksiyasini yanada kuchaytirish, deputatlik so‘rovlari samaradorligini oshirish hamda aholi murojaatlari bilan ishlash tizimini takomillashtirish masalalariga alohida e’tibor qaratildi. Shuningdek, ijtimoiy himoyaga muhtoj qatlamlarni qo‘llab-quvvatlash, bandlikni ta’minlash, infratuzilmani rivojlantirish va hududlarni obodonlashtirish yo‘nalishlaridagi ishlar yuzasidan fikr almashildi.

Shahar Kengashi kotibiyati mudiri A.Ermatov deputatlik guruhining faoliyatini yanada takomillashtirish, qonunchilikda belgilangan vakolatlardan samarali foydalanish hamda aholi bilan muloqotni kuchaytirish bo‘yicha tavsiyalar berdi. U deputatlarning joylarda olib borayotgan ishlari xalq ishonchini mustahkamlash va hududlarda mavjud muammolarni o‘z vaqtida aniqlashda muhim omil ekanini ta’kidladi.

Yig‘ilish yakunida O‘zbekiston XDP deputatlik guruhining kelgusidagi faoliyat yo‘nalishlari belgilab olindi. Jumladan, saylovchilar bilan muntazam uchrashuvlar o‘tkazish, ijtimoiy ahamiyatga ega masalalar yuzasidan jamoatchilik nazoratini kuchaytirish, fuqarolarning murojaatlarini o‘z vaqtida ko‘rib chiqish hamda hududlarni rivojlantirishga qaratilgan tashabbuslarni qo‘llab-quvvatlash ustuvor vazifa sifatida qayd etildi.