Ikki yildan buyon faoliyat yuritib kelayotgan mazkur sexda 3 nafar xotin-qizning doimiy bandligi ta’minlangan bo‘lib, bu yerda milliy hamda zamonaviy kiyimlar tikish yo‘lga qo‘yilgan. Korxona nafaqat sifatli mahsulotlar ishlab chiqarish, balki xotin-qizlarni ish bilan ta’minlash orqali ularning daromad manbaini yaratishga ham xizmat qilmoqda.

Muloqot davomida xotin-qizlarni tadbirkorlik faoliyatiga keng jalb etish, ularning biznes tashabbuslarini qo‘llab-quvvatlash, yangi ish o‘rinlari yaratish va mahallalarda iqtisodiy faol ayollar safini kengaytirish masalalari muhokama qilindi.

Xotin-qizlar tadbirkorligini rivojlantirish, ularning bandligini ta’minlash va tashabbuslarini rag‘batlantirish mahallalar taraqqiyoti hamda oilalar farovonligini yuksaltirishda muhim omil bo‘lib xizmat qilmoqda.