Xalq deputatlari Toyloq tumani Kengashining VII-chaqiriq 24-sessiyasida ijtimoiy-iqtisodiy rivojlantirish, budjet mablag‘laridan samarali foydalanish hamda aholining tashabbuslarini qo‘llab-quvvatlashga qaratilgan muhim masalalar muhokama qilindi.
Toyloq tumani iqtisodiyot va moliya bo‘limi boshlig‘i o‘rinbosari Qahhorov Rafiq tomonidan taqdim etilgan hisobot bo‘ldi. Unda 2026-yil 1-yanvar holatiga tumanning mahalliy budjetida shakllangan erkin qoldiq mablag‘lari hisobidan amalga oshirilishi rejalashtirilgan tadbirlar haqida batafsil ma’lumot berildi.
Shuningdek, yig‘ilishda 2026-yilning “1-mavsum”ida “Ochiq budjet” axborot portali orqali eng ko‘p ovoz to‘plagan loyiha takliflarini moliyalashtirish masalasi ham ko‘rib chiqildi. Mazkur tashabbuslar “Fuqarolar tashabbusi jamg‘armasi” mablag‘lari hisobidan amalga oshirilishi rejalashtirilgani ta’kidlandi va ushbu loyihalarning manzilli ro‘yxatini tasdiqlash yuzasidan tegishli qaror qabul qilindi.
📲 Telegram