Xalıq deputatları Nókis rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyasınıń májilisi bolıp ótti.

Májilis dawamında Ózbekstan Respublikası Oliy Majlisi Senatı Kengashiniń 2024-jıl 31-oktyabrdegi QQ-846-IV-sanlı qararı menen tastıyıqlanǵan "Xalıq deputatları wálayatlıq, rayonlıq, qalalıq Keńesiniń turaqlı komissiyaları haqqındaǵı úlgi reje"niń mazmun-mánisi hár tárepleme dodalandı.

Sonday-aq, jergilikli byudjet qarjılarınan nátiyjeli paydalanıw, isbilermenlikti qollap-quwatlaw, aymaqta ekonomikalıq reformalardı jedellestiriw hám xalıqtıń bántligin támiyinlew baǵdarında ámelge asırılıp atırǵan jumıslar kórip shıǵıldı.

Májiliste gezektegi sessiyaǵa kirgiziletuǵın máseleler de hár tárepleme kórip shıǵılıp, olar boyınsha tiyisli usınıslar islep shıǵıldı.
Májilis juwmaǵında kún tártibindegi máseleler boyınsha tiyisli qararlar qabıl etilip, juwapkerlerge anıq wazıypalar belgilep berildi.

👉 https://t.me/Nukus_tuman_Kengashi